منتديات القط

انسان بدون حب مثل كتاب بدون كلام
 
الرئيسيةس .و .جبحـثالتسجيلدخول

شاطر | 
 

 جريدة باب دورة المياه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نسر مصر
مشرف قسم المقالات والكتابات وقسم المنقاشات السياسيه وقسم الضحك والنكت والمسابقات
مشرف قسم المقالات والكتابات وقسم المنقاشات السياسيه وقسم الضحك والنكت والمسابقات


ذكر
عدد الرسائل : 147
تاريخ التسجيل : 05/10/2007

مُساهمةموضوع: جريدة باب دورة المياه   الأحد أكتوبر 07, 2007 9:11 pm

جريدة باب دورة المياه

احم ... شوية كده يا فنديه عشان النفس بس .... مفيش داعى للزحمة ..... مش عايزين اصابات الله يخليكم....
مش عارف حاطين ايديكم على مراخيركم ليه؟؟؟؟ مع إننا لسه مدخلناش فى دورة الميه ....قصدي فى الموضوع..
ما علينا .... ندخل فى الموضوع ....
بداية أحب ان انوه أن المقصود هنا هى أبواب دورات المياه العامة يعنى....المراحيض العمومية
-.اففف الله يقرفك ......
- ماشى ياسيدى ....ماعلينا ....


وليس المقصود أبواب دورات المياه الفايف ستارز اللي فيها اير فريشينر وليكويد سوب وتواليت بيبر واير دراير لزوم تنشيف الايدين...
انما اقصد ابواب دورات الميه الغلبانة التى يرتادها معظم حرافيش الشعب المصرى اللى انا منهم وخاصة اذا كنت على سفر ورجليك خدتك لغاية دورة مياه مسجد الفتح برمسيس او دورة مياه بولاق الدكرور التى تقوم سنية العمشة بالإشراف عليها ويساعدها بيومى طناش .
المهم سعادتك وقفت فى الطابور لغاية مجه دورك ودخلت .....
تعالى بقى نتصفح جريدة باب دورة الميه .... دى مجانية واميز مافيها انها مفيش عليها رقابة وبتحتوى على كتابات تمثل كل الاتجاهات .... يسارى ماشى ... يمينى ماشى .... صعيدى ماشى ... وبعدين دى شاملة كافة المواضيع من سياسة الى اقتصاد الى رياضة.....ويشرف على تحريرها واصدارها بشكل يومى جموع الشعب المزنوق ...تعالى نتصفح .....

- الأهلى عمهم وحابس دمهم ...
- للذكرى الهباب وايام العذاب والزحف على التراب – جندى سويلم البهنساوى – مركز تدريب المعادى
- كله يهون الا اللاهون – جندى مجند حمدى ابراهيم – مركز تدريب اللاهون
- ازازة الزيت بقت ب7 جنيه .... ماشى يا ظلمه
- مجانية تعليم ايه يا ولاد الــ ......
- كل ظالم وله نهاية .....
- خد عبرة من السادات .....
- الجمعية فيها لحمة ....ياولاد الكذابة ...
- امريكا بنت .......!
- يا ولاد الــ...... نهبتوا البلد
- نحن نوفر لك الوظائف بمختلف التخصصات وبمرتبات مغرية... فقط....شدالسيفون.....

وهكذا سادتى وسيداتى الأفاضل كما ترون فأبواب دورات المياه ليست مجرد حاجزا يستر من يجلس خلفه ... ولكنها متنفسا تستطيع من خلاله جموع الشعب المطحونة ان تعبر عن بعض ما يجيش بصدورها دون خوف من ان يكون هناك مخبر واقف لك ورا الباب.....بكل بساطة هذا الشعب ...وبكل مايتعرض له من ظلم وطحن وسحق الا انه يرفض ان يصمت ....سيتكلم حتى ولو من وراء باب دورة الميه ..
وتستمر الكتابة...وتستمر القراءة


برجاء من السادة القراء ترك القبقاب على باب الدورة لأنه عهدة

صاحب الموضوع لا يقصد اهانة اي شخص

ِ~~~~~~~~~~~~~~~~~~~




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmeddx
ادارة المنتدي ومراقب عام
ادارة المنتدي ومراقب عام


ذكر
عدد الرسائل : 521
العمر : 27
تاريخ التسجيل : 31/08/2007

مُساهمةموضوع: رد: جريدة باب دورة المياه   الجمعة أكتوبر 12, 2007 6:25 am

شكرا عي الجريده الجامده دي اقصد شكرا علي الموضوع الجامد ده وشكرا علي تعبيرك علي وصف الشعب الغلبان اللي اكتر المصرين دلوقتي منهم وانا كمان وهذا الكلام مؤاثر فعلا


  • تم نقل الموضوع الي قسم المناقشات السياسيه علشان لقيت انو بيعبر علي الحال المصري وتم تثبيته

ِ~~~~~~~~~~~~~~~~~~~


<div style="text-align: center; font-weight: bold; font-family: Comic Sans MS;"><font size="4">On <span style="color: Blue;">Facebook </span>Ahmed Essam <br>On <span style="color: DeepSkyBlue;">Twitter </span>@Ahmed_Forget</font></div>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://cat-rat.top-me.com
M
ادارة المنتدي
ادارة المنتدي


ذكر
عدد الرسائل : 1252
تاريخ التسجيل : 31/08/2007

مُساهمةموضوع: رد: جريدة باب دورة المياه   الأربعاء أكتوبر 17, 2007 11:21 pm

شكرا على الجريد يا نسر مصر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://cat-rat.top-me.com
 
جريدة باب دورة المياه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القط :: قسم للمنقاشات السياسيه-
انتقل الى: